లాంగన్ పండు యొక్క 5 ఆరోగ్య ప్రయోజనాలు

పరిచయం చేస్తున్నాం – లాంగన్ పండు :

లాంగన్, ఈ పేరు వినటానికి పరదేశానికి చెందినదిగా ఉంది, అవును కదా? ఇది లిచీ మరియు రంబుటాన్ వంటి పండ్ల లాగా ప్రసిద్ధి చెందకపోవచ్చు; కానీ ఇది ఖచ్చితంగా ప్రయత్నించ తగినటువంటి విలువైన పండు. మరియు మీరు దీనిని ప్రయత్నించిన తర్వాత అంత సులభంగా వదిలివేయరు.

ఇది ఆసియా ఖండానికి చెందినది, లాంగన్ పండ్లు తీపి మరియు కొద్దిగా వగరు రుచిని కలిగిన చిన్న చిన్న పండ్లు మరియు ఇవి గోధుమ రంగులో ఉంటాయి, ఇవి అనేక రకాల ఆరోగ్య ప్రయోజనాల కోసం ప్రపంచవ్యాప్తంగా ప్రజాదరణను పొందింది.

ఈ బ్లాగ్‌లో మనం  లాంగన్ పండ్లు, దాని పోషక వాస్తవాలు, వాటిలో ఉన్నటువంటి ఆరోగ్య ప్రయోజనాలు మరియు మరిన్ని వాటిని గురించి మరింతగా అన్వేషిద్దాం.

100 గ్రాముల లాంగన్ యొక్క పోషక వాస్తవాలు :

వంద గ్రాముల లాంగన్ పండ్లు ఈ క్రింది పోషకాలను  కలిగి ఉంటాయి :

• కేలరీలు : 60
• కార్బోహైడ్రేట్లు : 14.5 గ్రా
• ఫైబర్ : 2.3గ్రా
• ప్రోటీన్ : 0.8 గ్రా
• కొవ్వు : 0.5 గ్రా
• విటమిన్ C : 12.5 మి.గ్రా
• కాల్షియం : 32 మి.గ్రా
• ఐరన్ : 0.5 మి.గ్రా
• పొటాషియం : 240 మి.గ్రా

మీరు చూసినట్లుగా, లాంగన్ పండ్లు అధికంగా పోషక విలువలను కలిగి ఉంటాయి, ఇవి తక్కువ కేలరీలు మరియు పీచు పదార్ధాలను అధికంగా కలిగి ఉంటాయి, ఇవి ఆరోగ్యకరమైన ఆహారానికి ఒక అద్భుతమైన అదనపు ఆహారంగా ఉంటాయి.

భారతదేశంలో వీటి యొక్క లభ్యత :

లాంగన్ పండ్లు భారతదేశంలో విస్తృతంగా అందుబాటులో ఉంటాయి, ముఖ్యంగా చైనాకు చెందిన జనాభా ఎక్కువగా ఉన్న నగరాలలో ఇవి లభిస్తాయి. మీరు ముంబై, ఢిల్లీ మరియు కోల్‌కత్తా  వంటి పెద్ద నగరాలల్లోని ఆసియా మార్కెట్‌లు లేదా ప్రత్యేక దుకాణాలలో చాలా వరకు ఈ లాంగన్‌ పండ్లను చూడవచ్చు.

ఇటీవలి సంవత్సరాలలో, లాంగన్ పండ్లు కొన్ని సూపర్ మార్కెట్‌లు మరియు ఆన్‌లైన్ కిరాణా దుకాణాలలో కూడా అందుబాటులోకి వచ్చాయి.

లాంగన్ పండ్లు యొక్క ఆరోగ్య ప్రయోజనాలు :

లాంగన్ రుచికరమైన మరియు పోషకాలను కలిగినటువంటి పండు మాత్రమే కాదు, అనేక ఆరోగ్య ప్రయోజనాలను కూడా ఇది అందిస్తుంది.

మీ సౌలభ్యం కోసం వర్గీకరించబడిన లాంగన్ పండ్ల యొక్క అగ్ర ప్రయోజనాలను ఈ క్రింద ఇవ్వటం జరిగింది :

1. రోగనిరోధక శక్తి మరియు యాంటీ ఇన్ఫ్లమేటరీ లక్షణాలు :

లాంగన్ పండ్లు విటమిన్ C యొక్క గొప్ప మూలం, విటమిన్ C మన రోగనిరోధక శక్తిని పెంచడంలో కీలక పాత్రను పోషిస్తుంది. విటమిన్ C మన తెల్ల రక్త కణాలను సక్రియం చేయడానికి సహాయపడుతుంది, తెల్ల రక్త కణాలు మన శరీరంలో ఏర్పడే ఇన్ఫెక్షన్లతో పోరాడటానికి మరియు మనల్ని వాటి నుంచి ఆరోగ్యంగా ఉంచడానికి బాధ్యతను వహిస్తాయి.

అంతే కాదు లాంగన్ పండ్లలో ఫ్లేవనాయిడ్స్ మరియు ఫినోలిక్ యాసిడ్‌లు కూడా ఉన్నాయి, ఇవి యాంటీ ఇన్‌ఫ్లమేటరీ లక్షణాలను కలిగి ఉన్నాయని అధ్యయనాలలో తేలింది. వీటి  సమ్మేళనాలు శరీరంలో మంటను తగ్గించడం ద్వారా గుండె జబ్బులు మరియు క్యాన్సర్ వంటి దీర్ఘకాలిక వ్యాధుల ప్రమాదాన్ని తగ్గించడంలో సహాయపడతాయి.

2. జీర్ణ వ్యవస్థ  యొక్క ఆరోగ్యం మరియు ప్రేగు యొక్క శ్రేయస్సు :

లాంగన్ పండ్లు కూడా ప్రీబయోటిక్ పవర్‌హౌస్, అంటే ఇందులో పీచు పదార్ధాలు పుష్కలంగా ఉంటాయి, ఇవి ప్రేగు కదలికలను నియంత్రించడంలో మరియు మలబద్ధకాన్ని నివారించడంలో సహాయపడతాయి.

అంతేకాకుండా మొత్తం ఆరోగ్యానికి ఇంకా ఆరోగ్యకరమైన గట్ కోసం ఇవి చాలా అవసరం, మరియు లాంగన్ పండ్లలో ఉన్నటువంటి అధిక పీచు పదార్థాలు ప్రయోజనకరమైన గట్ బ్యాక్టీరియా పెరుగుదలను ప్రోత్సహించడంలో సహాయపడతాయి. అదనంగా, లాంగన్ పండ్లు యాంటీ-డయాబెటిక్ లక్షణాలను కూడా కలిగి ఉన్నట్లు తెలుస్తోంది, ఇవి రక్తంలోని చక్కెర స్థాయిలను నియంత్రించటం ఇంకా మధుమేహాన్ని నియంత్రించడంలో కూడా సహాయపడతాయి.

3. కార్డియోవాస్క్యూలర్ ఆరోగ్యం మరియు క్యాన్సర్ యొక్క నివారణ :

లాంగన్ పండ్లలో ఉన్నటువంటి పీచు పదార్థాలు మరియు యాంటీఆక్సిడెంట్లు శరీరంలోని  కొలెస్ట్రాల్ స్థాయిలను తగ్గించడంలో మరియు గుండె యొక్క మొత్తం ఆరోగ్యాన్ని మెరుగుపరచడంలో సహాయపడతాయి.

ఇవి శరీరంలో మంటను తగ్గించడం మరియు ఆరోగ్యకరమైన రక్త ప్రవాహాన్ని ప్రోత్సహించడం ద్వారా, లాంగన్ పండ్లు గుండె జబ్బులు మరియు స్ట్రోక్ వంటి ప్రమాదాన్ని తగ్గించడంలో సహాయపడతాయి.

అయితే ఇవి వీటితో సరి పెట్టుకోకుండా, లాంగన్ పండ్లలోని యాంటీఆక్సిడెంట్లు మరియు ఫ్లేవనాయిడ్లు కూడా రొమ్ము, పెద్దప్రేగు మరియు ఊపిరితిత్తులకు సంభవించే క్యాన్సర్‌లతో సహా కొన్ని ఇతర రకాల క్యాన్సర్ల  ప్రమాదాన్ని తగ్గించడంలో సహాయపడతాయి.

4. చర్మం, కళ్ళు మరియు ఎముకల యొక్క ఆరోగ్యం : ట్రిపుల్ థ్రెట్ :

లాంగన్ పండ్లు విటమిన్ C మరియు బీటా-కెరోటిన్ల యొక్క గొప్ప మూలం, ఇవి రోగనిరోధక శక్తిని బలోపేతం చేయడంలో మరియు వ్యాధులను నివారించడంలో ముఖ్య పాత్రను  పోషిస్థాయి. ఇవి వయస్సు-సంబంధిత మచ్చల క్షీణత మరియు కంటిలో ఏర్పడే శుక్లాల నుండి రక్షించడంలో సహాయపడతాయి.

విటమిన్ C ఫ్రీ రాడికల్స్ యొక్క హానికరమైన ప్రభావాల నుండి శరీరాన్ని రక్షించడంలో సహాయపడే శక్తివంతమైన సామర్థ్యాన్ని కలిగి ఉంటుంది.

ఆరోగ్యకరమైన చర్మాన్ని నిర్వహించటానికి విటమిన్ C ముఖ్య పాత్రను పోషిస్తుంది, అయితే బీటా-కెరోటిన్ సూర్యరశ్మి నుండి చర్మాన్ని రక్షించడంలో సహాయపడుతుంది అంతేకాకుండా ఆరోగ్యకరమైన కొల్లాజెన్ ఉత్పత్తిని కూడా ప్రోత్సహిస్తుంది. అదనంగా, లాంగన్ పండ్లు కాల్షియం మరియు ఎముకల యొక్క ఆరోగ్యానికి అవసరమైన ఇతర ఖనిజాలకు మంచి మూలం అని చెప్పాలి.

5. మెదడు ఆరోగ్యం మరియు అభిజ్ఞా పనితీరు :

లాంగన్ పండ్లలో ఉన్నటువంటి ఫ్లేవనాయిడ్లు అభిజ్ఞా పనితీరు మరియు జ్ఞాపకశక్తిని  మెరుగుపరచడంలో ఇంకా  వయస్సు-సంబంధిత అభిజ్ఞా క్షీణత వల్ల ఏర్పడే ప్రమాదాన్ని తగ్గించడంలో సహాయపడవచ్చు.

లాంగన్ పండ్లలో ఉన్నటువంటి యాంటీఆక్సిడెంట్ లక్షణాలు మెదడులో ఆక్సీకరణ ఒత్తిడి మరియు వాపు నుండి రక్షించడంలో సహాయపడవచ్చు, ఆక్సీకరణ ఒత్తిడి అభిజ్ఞా క్షీణతకు దోహదం చేస్తుంది. అందువల్ల మీ ఆహారంలో లాంగన్ పండ్లను చేర్చుకోవటం ద్వారా, మీరు దీర్ఘాయువు యొక్క రహస్యాలను అన్‌లాక్ చేయగలరు మరియు వృద్ధాప్యంలో కూడా ఆరోగ్యకరమైన మెదడు యొక్క పనితీరును నిర్వహించుకోవచ్చు.

లాంగన్ పండ్లను ఎవరు తినకూడదు?

లాంగన్ పండ్లు సాదారణంగా తినడానికి సురక్షితమైనదిగా పరిగణించబడుతున్నప్పటికీ, కొంతమంది వ్యక్తులు దీనిని నివారించవలసి ఉంటుంది లేదా మితంగా తినవలసి ఉంటుంది :

• గర్భిణీ స్త్రీలు లేదా పాలిచ్చే తల్లులు : లాంగన్ పండ్లు పోషకాలు కలిగి ఉన్నప్పటికీ, కొంతమంది వ్యక్తులలో ఇవి కడుపు నొప్పి లేదా అలెర్జీ వంటి ప్రతిచర్యలకు కారణం కావచ్చు.

• అలెర్జీలు లేదా సున్నితత్వం ఉన్న వ్యక్తులు : మీకు తెలిసి వీటితో  అలెర్జీ ఉన్నప్పుడు లేదా కొన్ని పండ్లు లేదా గింజలకు సున్నితత్వం ఉంటే, లాంగన్ పండ్లు తినకుండా ఉండటం ఉత్తమం.

• జీర్ణవ్యవస్థ యొక్క సమస్యలు ఉన్న వ్యక్తులు : లాంగన్ పండ్లలో ఉన్నటువంటి అధిక పీచు పదార్థాలు ప్రకోప ప్రేగు సిండ్రోమ్ (irritable bowel syndrome) లేదా ఇన్ఫ్లమేటరీ ప్రేగు వ్యాధి (inflammatory bowel disease) వంటి జీర్ణ సమస్యలను మరింత తీవ్రతరం చేస్తుంది.

• 5 సంవత్సరాల కంటే తక్కువ వయస్సు ఉన్న పిల్లలు : వీటి యొక్క పరిమాణం చిన్నగా ఉండటం వల్ల తినేటప్పుడు గొంతులో అడ్డుపడి ఉక్కిరిబిక్కిరి అయ్యే అవకాశం ఉన్నందున, పెద్దల పర్యవేక్షణలో 5 సంవత్సరాల కంటే ఎక్కువ వయస్సు ఉన్న పిల్లలకు మాత్రమే లాంగన్ ఇవ్వాలని సిఫార్సు చేయబడింది.

ఉత్తమమైన లాంగన్‌ పండ్లను ఎంచుకోవడానికి కొన్ని మార్గాలు :

లాంగన్ పండ్లు చాలా మందికి కొత్త రకమైన పండు కావచ్చు, వీటిలో ఉత్తమమైన లాంగన్‌లను ఎలా కొనుగోలు చేయాలి అన్న విషయంపై ఇక్కడ కొన్ని చిట్కాలు పేర్కొనటం జరిగింది.

1. తాజాదనం కోసం చూడండి :

• తాజాదనం మరియు దృఢమైన లాంగన్ పండ్లను ఎంచుకోండి. మృదువైన, మెత్తగా ఉన్నటువంటి లేదా గోధుమ రంగు మచ్చలు ఉన్న పండ్లను నివారించండి.
• పండు యొక్క కాండం చివరలను తనిఖీ చేయండి. తాజా లాంగన్ పండు ఆకుపచ్చ రంగుతో కూడిన చెక్క కాండం కలిగి ఉండాలి.
• పండును సున్నితంగా వత్తి చూడండి, ఇది ఒత్తిడికి లోబడి ఉంటే, పండు ఎక్కువగా పండి ఉండవచ్చు.

2. రంగును తనిఖీ చేయండి :

• లాంగన్ పండు కొద్దిగా పసుపు లేదా నారింజ రంగుతో ముదురు గోధుమ రంగు లేదా ఊదా రంగును కలిగి ఉండాలి.
• ఆకుపచ్చ లేదా తెలుపు రంగు చర్మం కలిగి ఉన్న పండ్లను నివారించండి, ఎందుకంటే అవి పక్వానికి రానివి లేదా పండినవి కాకపోవచ్చు.

3. ఆకారాన్ని పూర్తిగా పరిశీలించండి :

• లాంగన్ పండు కొద్దిగా దీర్ఘవృత్తాకారపు ఆకారంలో ఉండి మరియు గుండ్రని కొనను కలిగి ఉండాలి.
• సరైన ఆకారంలో లేకపోయినా లేదా మచ్చలు కలిగి ఉన్నటువంటి పండ్లను నివారించండి.

4. పండ్ల యొక్క సువాసన :

• తాజా లాంగన్ పండు తీపితో కూడిన కొద్దిగా కస్తూరి వాసనను కలిగి ఉండాలి.
• పుల్లని లేదా అసహ్యకరమైన వాసన కలిగి ఉన్న పండ్లను నివారించండి.

5. బరువును తనిఖీ చేయండి :

• లాంగన్ పండు దాని పరిమాణానికంటే భారీగా ఉండాలి. ఒక మంచి లాంగన్ పండు 20-30 గ్రాముల బరువును కలిగి ఉండాలి.
• బరువులో చాలా తేలికగా ఉండే పండ్లను నివారించండి.

ముగింపు :

లాంగన్ పండు పోషకాలను అధికంగా కలిగి ఉన్నటువంటి పండు, ఇది సమతుల్య ఆహారంలో భాగంగా తీసుకున్నప్పుడు అనేక రకాల ఆరోగ్య ప్రయోజనాలను అందిస్తుంది. ఈ పండ్లను ఔషధ ప్రయోజనాల కోసం కూడా ఉపయోగిస్తారు.

వీటిలో అధిక పోషక విలువ ఉన్న కారణంగా, లాంగన్ పండ్లను ఆసియాలో సాంప్రదాయ వైద్యంలో కూడా ఉపయోగిస్తున్నారు. వీటికి ఉన్నటువంటి తీపి మరియు లేత వగరు రుచి వల్ల ఇది ఏదైనా పండ్ల సలాడ్ లేదా స్మూతీ రెసిపీలకు అద్భుతమైన అదనపు ఆహారంగా ఉంటుంది.

కొందరు వ్యక్తులు లాంగన్ పండును తినడం మానేయడం లేదా మితంగా తినాల్సిన అవసరం ఉన్నప్పటికీ, చాలా మంది ప్రజలు ఆరోగ్యకరమైన జీవనశైలిలో భాగంగా ఈ రుచికరమైన పండ్లను చేర్చుకుని ఆస్వాదించవచ్చు.

తరచుగా అడిగేటటువంటి ప్రశ్నలు